“Vladimir Putinin vasitəçiliyi ilə Azərbaycan Prezidenti İlham Əliyev və Ermənistan baş naziri Nikol Paşinyan arasında keçirilmiş üçtərəfli görüşün yekunu ilə bağlı qəbul olunan Soçi bəyannaməsində Qarabağla bağlı heç bir söz əksini tapmadı. Bəyannaməni Brüsseldə qəbul olunmuş sənədin davamı kimi, eyni zamanda sülh müqaviləsinin imzalanması istiqamətində növbəti addım kimi qəbul etmək olar”.
Alp.az-ın xəbərinə görə, bunu deputat Nəsib Məhəməliyev bildirib.
N.Məhəməliyev qeyd edib ki, üçtərəfli görüşdən əvvəl Prezident Putinlə aparılan danışıqlarda, Prezident İlham Əliyevin qətiyyətlə, “Qarabağ problemi iki il bundan əvvəl həllini tapmışdır” fikri Soçi bəyanatında Qarabağ sözünün işlədilməməsində əsas rol oynayıb: “Soçi görüşü bir daha göstərdi ki, Ermənistanla sülh müqaviləsinin imzalanması, yalnız və yalnız Azərbaycanın əvvəldən irəli sürdüyü 5 şərt əsasında mümkündür. Başqa alternativ yoxdur”.
