Alp.az xəbər verir ki, bu barədə tanınmış vəkil Aslan ismayılov məlumat verib. O bildirib ki, mədəniyyət sarayının restorana çevrilməsi ilə bağlı videonu bir izləyici göndərib:

“Bu videonu səhifəmə tanımadığım bir izləyici yollayıb. Mədəniyyət sarayını dədə malı kimi özəlləşdirən, 30 ildir Azərbaycan Həmkarlar İttifaqları Konfederasiyasının sədri olan, “BİBİ” restoranlarının sahibi Səttar Möhbalıyevdir. Maraqlısı odur ki, bu il Aşıq Ələsgərin 200 illik yubileyinin qeyd edilməsi haqqında Azərbaycan Respublikası Prezidentinin Sərəncamı da var (president.az/articles/50672). Görünən isə odur ki, Aşıq Ələsgərin adını daşıyan yeganə mədəniyyət ocağını həyasızcasına mənimsəyənlər cəzasız qalırlar. Bundan sonra hansı mədəni irsin qorunmasından danışmaq olar?” -deyə vəkil vurğulayıb.

Qeyd edək ki, sözügedən bina ərazisi ilə birlikdə 2006-cı ildən sonra Böyükxanım Möhbalıyevanın adına özəlləşdirilib. Böyükxanım Möhbalıyeva isə Səttar Möhbalıyevanın həyat yoldaşıdır. Xatırladaq ki, Səttar Möhbalıyev Prezident Administrasiyasının sabiq şöbə müdiri Əli Həsənov qudasıdır.