Ermənistanın sabiq prezidenti Serj Sarkisyan aprelin 6-da Brüsseldə Azərbaycan Respublikasının Prezidenti İlham Əliyevin Avropa İttifaqı Şurasının Prezidenti Şarl Mişel və Ermənistan Respublikasının baş naziri Nikol Paşinyan ilə görüşünə münaasibət bildirib.
Alp.az erməni mediasına istinadən xəbər verir ki, Serj Sarkisyan 4 saat çəkən görüşün detallarının hələ də aydın olmadığını dilə gətirərək bildirib:”İndidən Birgə Sərhəd Komissiyasının mandatı Ermənistanla Azərbaycan arasında ikitərəfli sərhədin delimitasiyası, sərhəd xətti boyunca və onun yaxınlığında sabit təhlükəsizlik vəziyyətini necə təmin edəcəyi maraqlıdır. Amma mənə aydın olan yalnız bir məsələ varki, Nikol Paşinyan Qarabağ səhifəsini bağlayıb. Bu o deməkdir ki, Qarabağ artıq Ermənistan hakimiyyəti üçün öz əhəmiyyətini itirib. Bu o deməkdir ki, bu görüşlə biz Qarabağı itirdik.”
