İngiltərədə 12 il ərzində 99 cəsədi zorlayan xəstəxana işçisinin dəhşətli cinayətinin üstü açılıb.
Alp.az xəbər verir ki, 1987-ci ildə iki qadını öldürdüyünü etiraf edən 67 yaşlı David Fullar 2008-2020-ci illər arasında xəstəxana meyitxanasında 99 qadın və uşağın cəsədini zorladığını da etiraf edib.
Belə ki, xəstəxanada gecə növbəsində işləyən Fuller, digər işçilər ayrılan zaman gizlicə meyitxanaya girdiyini etiraf edib.
Fullerin evində qətllə bağlı axtarış aparan detektivlər gizli tapdıqları kompüter yaddaş disklərindən, CD-lərdən və yaddaş kartlarından onun illər ərzində törətdiyi cinayətlərin qeydlərini tapdılar.
Polis Fullerin kompüterində 14 milyondan çox fotoşəkil, uşaq pornoqrafiyasının görüntüləri, həmçinin Fullerin ölü insanları zorladığını əks etdirən kadrlar tapıb. Onun təcavüz etdiyi cəsədlərin ən kiçiyinin 9 yaşlı qıza, ən yaşlısının isə 100 yaşlı qadına aid olduğu bildirilib.
İngiltərə polisi bütün dəlillərlə birlikdə 99 zorlanma hadisəsi müəyyən edib, onlardan 78-inin şəxsiyyəti müəyyənləşib, lakin qurbanların sayı yüzlərlə ola bilər.
Zorlanmaya məruz qalmış 24 yaşlı Azra Kamalın anası hadisədən xəbər tutaraq polis bölməsinə bıçaqla basqın edib.
Ana Nevres Kamal polis tərəfindən həbs edilib.
Təqsirli bilinən Fullerə nə qədər cəza veriləcəyi hələlik bəlli deyil.
Fuad Məmmədov
