Avropa Parlamenti “COVİD pasportları”nın tətbiqi barədə qərara səs verib. Avropa Birliyi üçün yeganə məsələ virusa qarşı peyvənd olunmaqdır. COVİD sertifikatları təkcə kağız formasında yox, həm də rəqəmsal olacaq.
Serifikat sahiblərinin QR kodunu sərhədçilərə gönstərməsi kifayətdir.
Strasburq və Brüsseldə belə hesab edirlər ki, qərar ölkələr arasında sərhədləri açmağa kömək edəcək. Həmçinin bu sənədin üçüncü ölkə vətəndaşlarına tətbiqi də nəzərdə tutulur.
Sənəd məcburi olmayacaq, onu almaq könüllü xarakter daşıyır. Jurnalistlər COVID sertifikatını “Şengenin bərpasının simvolu” adlandırır.
Bu sənədə sahib olanlara 1 iyuldan etibarən güzəştlər tətbiq ediləcək. Onlar əlavə testlər verməyəcək, həmçinin getdikləri ölkələrdə karantində qalmayacaqlar.
