Tunisdə antiterror əməliyyatı zamanı Fransa səfirinin iqamətgahı yaxınlığında tanınmış ekstremistin mütəmadi gəldiyi evdən qazılmış tunel aşkar edilib.
Alp.az xəbər verir ki, bu haqda “Assoşieydet pres” (“Associated Press”) Tunisin Daxili İşlər Nazirliyinə istinadla məlumat yayıb.
Nazirliyin açıqlamasında tunelin məqsədi və səfirin iqamətgahının hədəf olub-olmaması qeyd edilməyib. Yalnız terrorla mübarizə rəsmiləri və prokurorların araşdırma apardığı bildirilir.
Nazirliyin məlumatına görə, kəşfiyyat agentlikləri Fransa səfirinin də yaşadığı Tunis paytaxtının sahilyanı La-Marsa qəsəbəsindəki evdə şübhəli fəaliyyətin olduğunu bildiriblər. Sonrakı reyd zamanı isə tunel aşkar edilib. Nazirliyin bəyanatında evin Fransa səfirinin iqamətgahına nə qədər yaxın olduğu barədə məlumat verilməyib. Axtarış aparılan evə tez-tez gələnlər arasında tanınmış ekstremist də var.
“Fransa səfirliyi şərh vermədiyini bildirib. Çərşənbə günü səhər səfirin iqamətgahı qarşısındakı küçədə sakitlik olub”- xəbərdə belə deyilir.moderator.az
