Azərbaycan ərazilərində yerləşdirilmiş Rusiya sülhməramlı qüvvələrinin birinci komandanı olmuş general Rüstəm Muradovun sabah Qarabağa gələcəyi gözlənilir. Bu haqda Ermənistanda nəşr edilmiş “Hraparak” qəzeti məlumat yayıb. Məlumatda deyilir ki, Rusiya sülhməramlıları Qarabağda yerləşdirilmələrinin birinci ildönümü ilə bağlı iri tədbir keçirməyə hazırlaşırlar.
“Rusiya Müdafiə Nazirliyi 200-ə yaxın medal təsis edib və onları Cənub Hərbi Dairəsinin komandan müavini Rüstəm Muradov gətirəcək. Medallar xidmətdə fərqlənən hərbi qulluqçulara təqdim olunacaq”, – qəzet yazır.
Muradovun əvvəlcə Yerevana gələcəyi, oradan Qarabağa yola düşəcəyi bildirilir.
