Rusiyanın “Uralvaqonzavod” şirkəti Sovet istehsalı olan T-62 tanklarının modernləşdirilməsi layihəsinə başlayıb. Bu barədə Alp.az-a “Uralvaqonzavod” şirkətindən məlumat verilib. Modernləşmə layihəsinə vaxtilə silahlanmadan çıxarılmış yüzlərlə T-62 tankları cəlb olunub.
Yenilənmə nəticəsində T-62 tankları müasir döyüşün idarəedilməsi sistemi və atıcı silahlarla təchiz olunacaq. Ehtimal olunur ki, T-62 tankları modernləşmədən sonra Ukraynada Rusiya ordusunun istismarına veriləcək.
Xatırladaq ki, 1961-ci ildə silahlanmaya verilən T-62 sonrakı dövürdə SSRİ-nin müttəfiq ölkələrinə də satılıb. Bu tank Suriya-İsrail, İran-İraq müharibələrində sınaqdan çıxıb. Hazırda Asiya ölkələrinin bir çoxunda T-62 ordunun istifadəsindədir.
