image-ads_2000x150
image-271799885_1981714725334629_1522539076075981309_nbackend

Ruslar Lənkəranı necə işğal etdi? General Mir Mustafa xanın xəyanəti 

image-ads_728x90

13 yanvar 1813 – rus ordusu Talış xanlığının Lənkəran şəhərini işğal edir.
Lənkəran döyüşü rusların Azərbaycanda ən kəskin müqavimətlə üzləşdiyi döyüşlərdən biridir. Ruslardan general-leytenant titulunu əldə edən xanlığın rəhbəri  Mir Mustafa xan rusların tərəfinə keçdiyindən qalanı 4 minlik Qacar qarnizonu və yerli əhali qoruyurdu. Qoşuna Sadıq xan rəhbərlik edirdi.

General Kotlyarevskinin komandanlıq etdiyi ruslar şəhəri beş gün həm qurudan, həm dənizdən artilleriya atəşinə tutdular. Yanvarın 13-də səhər saat 5-də qalaya hücum başladı.

Saatlarla sürən döyüşdə Sadıq xan və qarnizon şiddətli müqavimət göstərdilər və ruslar yüzlərlə itki verdilər. Nəhayət, şəhərə girə bilən ruslar hamını qılıncdan keçirdilər, heç kəsi əsir almırdılar.

Teymur bəy Bayraməlibəyov “Talış xanlığının tarixi” əsərində yazır: “Qəzəbli ruslar ən yüksək acınacaqlı və intiqam xəttinə çatdılar – hətta körpə çağalar, hamilə qadınlar, kişilər və qadınlar da daxil olmaqla qarşılarına çıxan əsgərləri və eləcə də hər kəsi amansız şəkildə öldürür və süngərdən keçirirdilər”.
.
Sadıq xan və demək olar ki, bütün Qacar qoşunu həlak oldu.General Kotlyarevski də ağır yaralandı. O, 3 güllə yarası aldı, sağ gözü çıxdı, çənəsi sındı. Sağ qalsa da daha hərbi xidmətə yararsız idi və istefaya çıxdı.

Yadigar Sadıqlı

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki