Qarabağ separatçılarının başçısı Arayik Arutyunyan İrəvan-Moskva reysi ilə Rusiya paytaxtına uçub. Alp.az xəbər verir ki,
Arayik Arutyunyanın Rusiya Federasiyasının paytaxtına hansı məqsədlə getdiyi və orada hansı dairələrlə görüşəcəyi barədə məlumat verilməsə də onun Moskva səfərinin bəzi detalları məlum olub. Ermənistan parlamentinin “Vətəndaş müqaviləsi” fraksiyasının deputatı Qurqen Arsenyan Arayik Arutyunyanın Rusiya Federasiyasının paytaxtına səfəri barədə jurnalistin açıqlamasına belə cavab verib:”Artıq Qarabağda Arayik Arutyunyan erası başa çatır. Rusiya üçün Qarabağda yeni oyunçu lazımdır. Bəzi kriteryalara isə Arayik Arutyunyan cavab vermir. O Moskvaya öz biznesini xilas etməyə və təminata almağa gedib. Arayik Arutyunyan başa düşür ki, Rusiya artıq ondan yox, milyarder Ruben Vardanyanın xidmətində maraqlıdır. Milyarder Ruben Vardanyan “Artsaxın dövlət naziri” postunu tutur. Yəni Araik artıq plandankənardır. Rusiya Qarabağda forpost yaradır və Araik böyük ehtimalla qaçmaq üçün şərait və məkan axtarır.”
Qoşqar Salmanlı
