Rusiyalı məşhur hərbi ekspert Dmitri Litovkin, Moskva yaxınlığındakı Dubnada ölkənin ən böyük pilotsuz təyyarələr istehsalı zavodunun tikintisinin başa çatmasını şərh edərkən, Rusiya üçün pilotsuz təyyarə istehsalı zavodu zəruriliyini diqqətə çatdırıb.
Alp.az xəbər verir ki, hərbi ekspert Dmitri Litovkin Rusiya Müdafiə Nazirliyi və Kronştadt şirkəti ilə “Orion” sinifli hücum dronlarının böyük partiyasının tədarükü üçün müqavilə bağlamasına toxunarkən qeyd edib ki, bu Avropada ən güclü hücum dronudur.
Dmitri Litovkinin bu açıqlaması birmənalı qarşılanmayıb. Amerikalı ekspert Rob Lee isə maraqlı açıqlama ilə çıxış edib.
Amerikalı ekspert Rusiya istehsalı “Orion” sinifli hücum dronlarının Qarabağda aciz olduğunu dilə gətirib.
“Qarabağdakı hərbi əməliyyatlar zamanı əldə etdiyimiz informasiyalara görə “Orion” sinifli hücum dronlarında Ermənistan istifadə edib. Ancaq Rusiyanın təriflədiyi bu dronlar Bayraktar qarşısında aciz idi. Əgər bu dronlar tərifləndiyi kimi güclü olsaydı müharibənin balansı dəyişərdi. Görünən isə odur ki, “Bayraktar” PUA-ları müharibənin balansının dəyişməsinə imkan vermədi və Azərbaycan qalib oldu.”- deyə Rob Lee bildirib.
