Ukrayna Silahlı Qüvvələri Rusiya qoşunlarının iki Su-25 təyyarəsini, Ka-52 və Mi-24 helikopterlərini, həmçinin 5 PUA-sını zərərsizləşdirib.
Alp.az xəbər verir ki, bu barədə Ukrayna Silahlı Qüvvələrinin Baş Qərargahı “Facebook” səhifəsində məlumat yayıb.
“Ukrayna hava hücumundan müdafiə bölmələri düşmənin canlı qüvvə və texnikasının cəmləşdiyi yerlərə 30-dan çox zərbə endirib. Nəticədə, müxtəlif istiqamətlərdə iki Su-25 təyyarəsi, iki helikopter (Ka-52 və Mi-24) və beş PUA məhv edilib” – Baş Qərargahdan bildirilib.
