Rusiya yeni idarə olunan təyyarə raketi hazırlayıb. Alp.az xəbər verir ki, bu barədə Rusiya hərbi-sənaye kompleksindəki mənbə mətbuatda açıqlama yayıb.
Məlumatda bildirilir ki, yeni X-UAV idarə olunan təyyarə raketi tam hazırdır və yaxın günlərdə təqdimatı keçiriləcək.
X-UAV Kornet-D tank əleyhinə idarə olunan raket kompleksindən idarə olunan döyüş sursatlarının növbəti inkişafıdır. Mənbə yeni məhsulun daha əvvəl Ka-52M prototipindən uğurlu sınaqdan keçirildiyini bildirib. Həmçinin yeni raket istənilən PUA vasitəsilə də hədəfə yönləndirilə bilər.
Rusiya hərbi mediası iddia edir ki, yeni raket on kilometrə qədər uçuş məsafəsinə malikdir və həm ağır zirehli maşınları, həm də aşağıdan uçan aşağı sürətli hava hədəflərini effektiv şəkildə vurmağa qadirdir.
Qeyd edilir ki, X-UAV həm lazer şüasında, həm də istilik və avtomatik rejimlərində idarə oluna bilər.
