Rusiya Hərbi Dəniz Qüvvələri (HDQ) Qara dəniz istisna olmaqla, bütün donanmaların genişmiqyaslı təlimlərinə başlayıb.
Alp.az-ın xəbərinə görə, bu barədə Rusiya Müdafiə Nazirliyinin mətbuat xidməti məlumat verib.
Hərbi Dəniz Qüvvələri bütün donanmaların və Xəzər flotiliyasının qüvvələrini cəlb edən planlı təlimlərə başlayıb.
Məlumata görə, təlimlər Qara dəniz istisna olmaqla, bütün donanmaların əməliyyat zonalarında, həmçinin Xəzər Donanmasının cavabdehlik zonasında keçiriləcək.
Şimal, Sakit Okean və Baltik donanmasının gəmiləri və sualtı qayıqları bazaları və dayanacaqları tərk edib. Təlimlərə ümumilikdə 300-dən çox suüstü gəmi, gəmi və sualtı qayıq, 50-yə yaxın təyyarə və helikopter, hərbi və xüsusi texnika, o cümlədən 20 minə yaxın şəxsi heyət cəlb olunub. Təlimlər bir neçə gün davam edəcək. Bütün donanmaların qüvvələri dəniz poliqonlarında müxtəlif təlimlər, o cümlədən real atışlar keçirəcək.
Bir neçə gün ərzində üç donanmanın və bir flotiliyanın gəmi heyəti, dəniz aviasiya bölmələri və sahil qoşunları silahların praktiki tətbiqi ilə 300-dən çox döyüş təlimi keçirəcək.
