Rusiya qoşunları raket zərbələrinin intensivliyini azaldır.
Alp.az xəbər verir ki, bunu Ukrayna prezident aparatının rəhbərinin müşaviri Aleksey Arestoviç deyib.
“Raket zərbələrinin intensivliyi ona görə azalır ki, rus qüvvələri öz raket potensialının ən azı üçdə ikisindən istifadə edib və indi bu “ənənəvi əyləncə” tədricən puça çıxacaq”, – Ukrayna rəsmisi bildirib.
Eyni zamanda, Arestoviç qeyd edib ki, əsasən gecə saatlarında Kiyev və Xarkova hava və raket zərbələri endirilib. Onun sözlərinə görə, Kiyev hava hücumundan müdafiə qüvvələri rusların 5 təyyarəsini və 3 hava hücumundan müdafiə sistemini vurub.
Arestoviç söyləyib ki, Rusiya ordusu öz qüvvələrini əsasən Kiyev və Xarkov ətrafında cəmləşdirir. O, rusların bu şəhərləri mühasirəyə almağa çalışdığını vurğulayıb.
“Amma ümumilikdə vəziyyət nəzarət altındadır və hərbi rəhbərliyimiz onların nə etdiklərini yaxşı bilir”, – Arestoviç deyib.
