image-ads_2000x150
image-7fa184261acc9cb5892864ab70dc2a20backend

Ramin Musayevin yerinə gələn Elxan Səmədov kimdir? – DOSYE 

image-ads_728x90

Xəbər verdiyimiz kimi, bu gün Peşəkar Futbol Liqasının (PFL) konfransı keçirilib və Elxan Səmədov PFL-in prezidenti seçilib.

1972-ci ildə anadan olan Elxan Səmədov orta məktəbi Bakıda 134 saylı orta məktəbdə oxuyub. Daha sonra Azərbaycan Pedoqoji Universitetində İngilis dili və ədəbiyyatı ixtisasl üzrə təhsil alıb.

2001-ci ildə İtaliya və İsçeçrədə Beynəlxalq Əmək Təşkilatının layihəsində iştirak edib. 2007-ci ildə ABŞ-ın “Georgetown” Universitetinin Hüquq Mərkəzində təhsil alıb.

Elxan Səmədov əmək fəaliyyətinə 1993-cü ildə “Pennzoil” neft şirkətində başlayıb. 1996-1999-cu illərdə “Caspian İnternational Petroleum Company”də və “Sojitz Corpaoration” şirkətlərində işləyib. 1999-2001-ci illərdə Dünya Bankında, 2001-2008-ci illərdə “Karasu Operating Company” şirkətində satınalmalar üzrə menecer vəzifəsində çalışıb.

2009-cu ildə AFFA-da Departament direktoru olub. 2008-2009-cu illərdə yenidən neft sektoruna geri dönüb və “Absheron Operating Company” şirkətində satınalmalar üzrə menecer olub.

2012-ci ildə AFFA və “Neftçi” futbol klubunda menecer vəzifəsində işləyib. 2013-2015-ci illərdə Birinci Avropa Oyunları üzrə Təşkilat Komitəsinin satınalmalar departamentinin direktoru olub.

Elxan Səmədov 2018-2020-ci illərdə “Sumqayıt Txnologiyalar Parkı”nda və “Yalkavak Marina”da (Türkiyə) çalışıb. Səmədovun sonuncu iş yeri AFFA-da VAR (videoköməkçi hakim) layihəsinin rəhbəri olub.//Yeniavaz.com

image-ads_728x90

  • whatsapp
  • messenger
  • telegram
  • vkontakte
  • odnoklassniki