Ötən gün Xalq artisti İlham Namiq Kamal açıqlamasında “Əvvəlki filmlərin yerini heç nə vermir”, “Yeni filmlər çəkilmir” kimi səslənən fikirlərə öz münasibətini bildirmişdi. Xalq artisti “İndiki filmlərə çəkiləndə rejissorlar bizdən öz geyimlərimizdə çəkilməyi tələb edirlər. Niyə axı sonra bizə geyim alıb verəcəklər?”, “İndi kimin, hansı rejissorun filminə baxaq?” kimi fikirlər səsləndirmişdi.
Mövzu ilə bağlı gənc rejissor, əməkdar mədəniyyət işçisi Ramin Hacıyev fikirlərini bölüşüb:
“Kino, serial elə bir sahədir ki, onun bir qolu olmayanda bu işin gedişatına təsir edir. İlham Namiq Kamal bizim dəyərli sənətkarımızdır, ona heç nə deyə bilmərəm. Onu qeyd edə bilərəm ki, bəli əvvəllər film çəkiləndə aktyora geyim “Azərbaycanfilm” Kinostudiyası tərəfindən verlilirdi. Bizim elə imkanımız yoxdur ki, hər aktyora obrazına uyğun geyim alıb verək. Təbii ki, bu proses böyük filmlərdə olur. Demək olar ki, serialda pul yoxdur, məcbursan aktyora deyəsən ki, çəkiliş meydanına öz geyimində gəl. O ki, qaldı İlham müəllimin “İndi kimin filminə baxaq?”, “ İndi rejissor yoxdur” fikrinə indi daha müəkəmməl rejisssorlarımız var, nəinki bizdən əvvəlki dövrdə…
Rejissor əvvəlki miqyasda filmlərin çəkilmədiyini və bunun da öz səbəbləri olduğunu vurğuladı:
“Ona görə ki, əvvəl kino çəkmək üçün dövlət tərəfindən bir plan qurulurdu. Misal üçün dövlət büdcəsindən 1975-ci ildə bir dram, bir komediya, bir sənədli film çəkməli idi. Azərbaycanda nə qədər yaradıcı insan vardısa bir mövzunun üzərində çalışırdı. İndi isə elə deyil, hər prodakşının öz rejissoru var. Hər kanalın bir rejissoru var, pərakəndəlik çoxalıb deyə ona görə də köhnə filmlərin yerini doldurmq mümkün olmayacaq. Sözsüz ki, əvəzolunmaz aktyor yoxdur. Gözəl aktyorlarımız bu gün də var, əvvəl də var idi. Pis aktyor olmur, pis rejissor olur ki, ondan yaxşı istifadə etmir”.Moderator.az
