Millət vəkili, Milli Məclisin Mədəniyyət komitəsinin sədri Qənirə Paşayeva bir qrup ictimai fəal xanımla birgə Müdafiə Nazirliyinin Mərkəzi Hərbi Hospitalında müalicə alan hərbçilərimizi ziyarət edib.
Komitə sədri bu il sentyabrın 13-ündən başlayaraq Daşkəsən-Kəlbəcər-Laçın istiqamətində düşmən təxribatının qarşısını alarkən yaralanmış igid Vətən oğullarının müalicəsinin gedişi ilə maraqlanıb.
Hərbçilərimiz və onları müalicə edən həkimlərlə ətraflı söhbət edən Q.Paşayeva və ziyarətdə iştirak edən ictimai fəal xanımlar, yaralı hərbçilərimizə açıl şəfalar diləyib, onları şəfqətlə müalicə edən həkimlərə təşəkkür edib. O, Azərbaycan dövlətinin ali rəhbərliyinin qazilərə, ordu mənsublarına həssas münasibətinin hər bir vətəndaşımız üçün yüksək örnək təşkil etdiyini vurğulayıb.
