Qarabağdakı separatçı-terrorçular təxribatları genişləndirir: Xocalı və Xocavənd istiqamətində yenidən atəş açılıb;
Baş verənlər bölgənin silahsızlaşdırılması və 10 noyabr razılaşmasının 4-cü bəndinin – erməni qoşunların çıxarılması – icrasını aktuallaşdırır. Əliyevlə Putinin Moskvada gözlənilən görüşündə Bakının müzakirə edəcəyi prioritet məsələlərdən biri bu olacaq.
Azərbaycan razılaşmaların icrasını sürətləndirmək üçün mövcud şərtləri dəyərləndirə bilər.
Birincisi, Şuşa Bəyannaməsinin təsdiq edilməsi Bakının əlini gücləndirir;
İkincisi, Ukrayna cəbhəsində ABŞ-Rusiya qarşıdurması Moskvanın Cənubi Qafqazda əldə olunmuş razılaşmaların icrasına xüsusi diqqət ayırmasını şərtləndirir;
Üçüncüsü, geosiyasi qarşıdurmada Bakı və Ankara güc balansına təsir edə biləcək faktorlardır və ruslar neytral mövqeni belə qiymətləndirə bilər;
Erməni terrorçuların təxribatlarını genişləndirməsi onların tərki-silah edilməsi tələbində Bakının haqlılığını artırır.
Asif Nərimanlı
