image-ads_2000x150
image-777backend

Qarabağda aranı qatan kimdir? – “Bu sözü işlətmək istəmirəm…” 

image-ads_728x90

Azərbaycanla Ermənistan arasında mümkün sülh danışıqları ərəfəsində Qarabağ separatçılar ciddi şəkildə narahatlıq keçirməyə başlayıb. Sülhməramlıların müvəqqəti nəzarətində olan ərazidə, əsasən, Xankəndi, Xocavənd və Ağdərədə ardı-arası kəsilməyən etiraz aksiyalar baş verir. Tələb bircədir – Azərbaycan Respublikasının yurisdiksiyasına keçməmək.

Bu aksiyaları Araik Arutyunyanın başçılıq etdiyi separatçı rejim təşkil edir, yoxsa yerli ermənilərin öz təşəbbüsüdür?

Qarabağ ermənilərinin bu cür etiraz aksiyalara qatılması Ermənistanın siyasi hakimiyyətinə, konkret olaraq Nikol Paşinyanın siyasi mövqeyinə təsir edə bilərmi?

Yenisabah.az-a açıqlamasında əməkdar jurnalist, siyasi şərhçi Elçin Şıxlı məsələyə aydınlıq gətirib:

“Bu, onların xislətidir və onlar Azərbayacanın yurisdiksiyasında yaşamaq istəmirlər. Bu sözü işlətmək istəmirəm, amma belə düşünmək olar ki, artıq genetik səviyyədə bizimlə yaxın olmaq istəmirlər.

Ermənilərin torpaq iddiaları var və hələ də ümidlidirlər ki, bir zamanlar işğal etdikləri əraziləri yenidən Azərbaycandan qopara biləcəklər. O da guya sülhməramlıların, yaxud digər xarici güclərin əli ilə”.

E. Şıxlı əlavə edib: “Avropa İttifaqında status sözü işlədilmir, amma ermənilərə ümid verirlər ki, hüquqları və təhlükəsizlikləri qorunacaq. Aksiyaları da ermənilər buna görə edirlər.

Həmçinin, orada Koçaryan-Sarkisyan tandemi də var ki, aranı əsas onlar qarışdırır. Əgər vəziyyət sabitləşsə, bir zamanlar oğurladıqları, qarət etdikləri hər şey bu cütlüyün əlindən alınacaq. Bundan qorxduqları üçün aksiya keçirirlər”.

image-ads_728x90

  • whatsapp
  • messenger
  • telegram
  • vkontakte
  • odnoklassniki