Qarabağ qazisi, Birinci Qarabağ savaşında “Snayper Bənövşə” kimi tanınan, ermənilərə qan udduran Bənövşə Paşayeva Ali Baş Komandan İlham Əliyevə müraciət ünvanlayıb. Qarabağ qazisi ona qarşı haqsızlıq edildiyini dilə gətirərək, ölkə başçısından kömək istəyir.
Həmin müraciəti Alp.az olaraq təqdim edirik:
“Ümummilli Lider Heydər Əliyev: “Həyatını müəllimliyə həsr edən insanlar həqiqətən fədəkar, xalqına, millətinə sədaqətli və eyni zamanda qəhrəmanlıq göstərən insanlardır.”
Sizi narahat edən Ümummilli Lider Heydər Əliyevin uzaq görənliklə yaratdığı , doğma övladı kimi sevdiyi və Vətən müharibəsində qəhrəmanlıqla şücaət göstərmiş yüzlərlə zabitin yetişdirilməsində müstəsna rol oynamış Cəmşid Naxçıvanski adına Hərbi Liseyin İtimai fənlər bölməsində 22 illik və ümumi müəllimlik fəaliyyəti 30 ili keçmiş, 1-ci Qarabağ müharibəsi veteranı , məcburi köçkün və tək ana Bənövşə Paşayevadır.
Postkonflikt dövründə ordumuzda və hərbi tədris müəssisələrində aparılan islahatların uğurla həyata keçirilməsi üçün əlindən gələni ən yaxşı şəkildə reallaşdırmağa çalışan bir müəllim kimi son illər bir sıra haqsızlıqlarla üzləşdim.
Bir neçə il bundan əvvəl Cəmşid Naxçıvanski adına liseydə xəbər yayıldı ki , Tarix və Coğrafiya fənni də ləğv olunacaq. Də ona görə ki deyirəm, əvvəllər Naxçıvanskidə tədris olunan, İqtisadiyyatın əsasları, Konstitusiya, Biologiya , Astronomiya, İnsan və Cəmiyyət fənləri ləğv edildiyi üçün , bu əlbəttə Tarix və Coğrafiya müəllimlərini həyəcanlandırdı. Fikirləşdirdilər. Nə edək? Yığışıb ərzə yazdılar. O aralar mən ALLAHDAN olan kimi xəstələndim iki həftə işə gedə bilmədim . Ayın 7 – də işə getdim . İşdən sonra mənə iş yoldaşlarımdan biri…
Məni düzgün başa düşməyinizi xahiş edirəm . Mən ordumuza savadlı zabit kadrları yetişdirmək üçün , məcburi köçkün olduqdan sonra illərimi, ömrümü fəda edən müəlliməm. Sevdiyim işimə canımı , həyatımı qurban vermişəm.
Vətən müharibəsində , pandemiya şəraitində çətinliklərə baxmayaraq,Vətənimizin ,Ordumuzun yanında şərəf vələyaqətlə xidmət göstərərək, vətəndaşlıq borcumu sevərək icra etmişəm. Özüm haqqında aşağıdakıları nəzərinizə çatdırıram……
Mən Laçın rayonu sakiniyəm. Məlum Qarabağ müharibəsi zamanı vətənimizin və torpaqlarımızın uğrunda gedən döyüşlərdə necə bir gənc Azərbaycanlı qızı olaraq 11 fevral 1992 – ci il tarixindən könüllü olaraq Laçın rayonu uğrunda gedən döyüşlərdə vuruşmuşam.
18 may 1992-ci il tarixdə Laçın rayonu zəbt edildikdən sonra , həmin rayonun Səfiyan kəndi uğrunda gedən döyüşlərdə əlimdə avtomat silahla düşmənə qarşı vuruşmuşam.
20 iyul 1992 -ci il tarixdən Azərbaycan Respublikası MN- nin Kəlbəcər hərbi briqadasının 811 nömrəli hərbi hissəsində snayper olmaqla düşmənə qarşı əlimdəki snayper silahımla əzmlə vuruşaraq onlarla mənfur erməni əsgərlərini məhv etmişəm. Tığık 2-ci əməliyyatı zamanı 811 nömrəli hərbi hissənin xüsusi təyinatlı rotasının tərkibində olmuşam.
Bu gün isə ulu öndərin yaratdığı Liseydə haqlarım tapdalandı Ləyaqətimi yerlə bir etdilər .
Bu cür haqsızlıqla üzləşməyim məndə xəyal qırıqlığı yaratdı. Mənim mənəvi ,psixoloji əhval ruhiyyəmdən əlavə maddi vəziyyətimə də neqativ təsir göstərdi…..
Sentyabr 2021-ci il tarixdə aylıq əmək haqqım 172 manat ,ərizə ilə işə gəlməyəcək səbəbi göstərsəm də ,həkim nəzarətində olmağım barədə arayış olsa da , kəsildi. Deyəsən töhmət yazıblar . Xəbərim yoxdur. ). İşə gəlmədiyim həmin gün dərsim olmayıb. Yəni dövlətimizə heç bir zərər dəyməyib.
Əmək haqqımın səbəbsiz yerə kəsilməsi haqqında ərizə ilə müraciət etsəm də heç bir tədbir görülmədi.
Prezidentimiz , Ali Baş Komandan ilham Əliyev siyasətinin mərkəzində Azərbaycan vətəndaşlarının rifahı dayanır. Son illər ərzində Azərbaycan əhalisinin rifahının yaxşılaşdırılması istiqamətində sistemli tədbirlər həyata keçirilir.
Möhtərəm Prezident! Siz milli təhsilin inkişafına ,müəllimlərin sosial vəziyyətinin yaxşılaşdırılmasına həmişə xüsusi qayğı ilə yanaşırsınız.
29 avqust 2021 ci ildə tətildən qayıtmışam . 01 sentyabrdan töhmət , şiddətli föhmət,xəbərdarlıq və sonuncu xəbərdarlıq ,( bütün bunlardan 14 sentyabr İctimai Fənlər bölməsinin iclasında xəbərim olur, 12 saat dərsim də əlimdən alınır) elan edərək məni işdən kənarlaşdırıblar.Liseydə baş verən özbaşnalıq və haqsılıqlara çarə taparaq mənə kömək etməyinizi sizdən xahiş edirəm.
Cənab Prezident: Son ümid və güman yerimiz sizsiniz.”
Bənövşə Paşayeva
Qarabağ qazisi
