“Qarabağ” millimizin futbolçusu Bəhlül Mustafazadəni transfer etməyə yaxındır.
Bu barədə Alp.az-a n məlumat daxil olub.
Mənbənin bildirdiyinə görə, 24 yaşlı müdafiəçi ya bu gün, ya da sabah tibbi müayinədən keçəcək. Onunla müqavilə isə “Qarabağ”ın “Aşdod”la səfər oyundan sonra imzalanacaq.
Həmin məlumatda o da qeyd olunur ki, Bəhlulu “Neftçi” də transfer etmək istəyir, hətta “Neftçi”dən ona daha yaxşı maliyyə təklifi gəlib. Lakin futbolçu “Qarabağ” variantını seçib.
Xatırladaq ki, “Sabah”dan ayrılan futbolçunun Birləşmiş Ərəb Əmirliklərinin “Əl-Əyn” klubuna keçidi alınmayıb.
