“Rusiya özünü qorumağa qadirdir.” Bu sözləri Rusiya prezidenti Vladimir Putin noyabrın 3-də keçrilən müşavirədə deyib. Alp.az xəbər verir ki, Putin silahların son illər ərzində Rusiyanın yeni silahlar istehsal etdiyini açıqlayıb.
“Ölkəmizdə dünyada analoqu olmayan lazer, hipersəs, kinetik və digər silahların yaradılması hərbi texnologiyalar sahəsində əsl sıçrayış olub. Ciddi desək, uzun illər, hətta onilliklər ərzində Silahlı Qüvvələrin imkanlarını xeyli artırıb. Bu, Rusiya üçün yüksək səviyyəli hərbi təhlükəsizliyi təmin etdi və strateji paritetin möhkəmlənməsinə kömək etdi ” -deyə Vladimir Putin bildirib.
Putin həmçinin Rusiya Federasiyası Silahlı Qüvvələri üçün yüksək güclü lazer silahlarının və yeni robot sistemlərinin yaradılmasının vacibliyinə də toxunub. Putin güc srtukturlarına tövsiyyə edib ki, qabaqcıl silahların inkişafı üçün 2033-cü ilə qədər hazırlanan yeni dövlət proqramını tezliklə hazırlasınlar.
Putin Rusiyanın son illər ərzində hazırladığı ən güclü silahlarından biri olan “Zirkon” hipersəs raketlərinin gələn ildən Hərbi Dəniz Qüvvələrinin silahlanmasına təhvil veriləcəyini açıqlayıb. Dövlət başçısı əlavə edib ki, aparılan sınaqlar həm də “Peresvet” (lazer silah kompleksi) və “Avanqard” komplekslərinin unikallığını təsdiqləyib.
