image-ads_2000x150
image-putin_ve_erdoganbackend

Putin və Ərdoğanla Soçidə görüşəcək: “Bu, o deməkdir ki…”

image-ads_728x90

Rusiya prezidenti Vladimir Putin cümə günü Rusiyanın Qara dəniz sahilindəki kurort şəhəri Soçidə türkiyəli həmkarı Rəcəb Tayyib Ərdoğanla görüşəcək.

Alp.az xəbər verir ki, bu barədə Kremlin sözçüsü Dmitri Peskov məlumat verib.

O bildirib ki, görüş zamanı digər məsələlərlə yanaşı, ikitərəfli məsələləri və Ukrayna böhranını müzakirə edəcək.

Ankara Soçi görüşünü iki prezidentin iyulun 19-da İranın paytaxtı Tehranda Astana üçlüyü danışıqları çərçivəsində keçirilən görüşünün davamı kimi qiymətləndirir. Həmin gün iki lider bir sıra ikitərəfli məsələləri müzakirə ediblər.

Türkiyənin Xarici Siyasət İnstitutunun prezidenti Hüseyn Bağçı TASS-a bildirib ki, danışıqların növbəti raunduna ehtiyac yaranıbsa, bu, o deməkdir ki, tərəflərin bir-birinə deyəcəkləri sözləri var.

Danışıqların formatı təkbətək görüşü, ardınca isə Rusiya və Türkiyə nümayəndə heyətlərinin geniş tərkibdə görüşünü nəzərdə tutur. Bundan sonra iki lider işgüzar nahar edəcək.

image-ads_728x90

  • whatsapp
  • messenger
  • telegram
  • vkontakte
  • odnoklassniki