Azərbaycan Avropa İttifaqı (Aİ) ilə bərabərhüquqlu tərəfdaşlığa əsaslanan münasibətlərin inkişafında maraqlıdır. Azərbaycan 2009-cu ildən bəri Aİ ilə Şərq Tərəfdaşlığı (ŞT) proqramı çərçivəsində ikitərəfli və çoxtərəfli formatda əməkdaşlıq edir. Aİ Azərbaycanın ən böyük ticarət tərəfdaşı, o cümlədən ən böyük ixrac tərəfdaşıdır. İdxal tərəfdaşları sırasında Aİ 2-ci yerdə dayanır.
Azərbaycan Respublikası xarici siyasətinin 1993-cü ildən Avropa istiqamətini gücləndirib. Həmin dövrdən etibarən xüsusilə Avropanın böyük dövlətlərindən Fransa ilə əlaqələr genişləndirilməyə başlanılıb.Fransa Azərbaycanın dövlət müstəqilliyini 1992-ci ilin yanvarında tanıyıb, diplomatik əlaqələr həmin ilin fevralında yaradılıb.
Sevindirici haldır ki,Azərbaycan-Avropa və Azərbaycan-Fransa münasibətləri müsbət istiqamətdə hələ də davam etməkdədir.
Oktyabrın 6-da Praqada Azərbaycan Respublikasının Prezidenti İlham Əliyevin Fransa Respublikasının Prezidenti Emmanuel Makron, Avropa İttifaqı Şurasının Prezidenti Şarl Mişel və Ermənistan Respublikasının baş naziri Nikol Paşinyan ilə yenidən görüşü olub.
Görüş zamanı məlum olub ki,bizim həm qazımız,həm neftimiz,eyni zamanda elektrik enerjimiz də Avropa qitəsinə ixrac edikəcək.Buna nail olmaq üçün indi konkret proqramlar işlənib hazırlanır.Ona görə Azərbaycan nəinki Avropa,həm də dünya üçün çox önəmli,strateji enerji tərəfdaşı olacaq.
Görüş zamanı Azərbaycan-Ermənistan münasibətlərinə toxunulub.Sülh prosesinə artıq təkan verilib.Ermənistan tərəfindən xoş məram olarsa,sülh müqaviləsi ilin sonunadək imzalana bilər.Azərbaycanın 5 prinsiplə bağlı nə erməni tərəfinin,nə də Avropa İttifaqının heç bir sualı olmayıb.Bu münasibətləri normallaşdırmaq istəyəb dövlətlər arasında münasibətlərə əsaslanan prinsiplərdir.Sülh müqaviləsinin mətni üzərində iş bu prinsiplər əsasında başlamalıdır.Bununla da biz müharibə,düşmənçilik səhifəsini qapatmış olacağıq.
Hər birimiz də ümid edirik ki,biz artıq yavaş-yavaş yaxınlaşırıq.Məqsəd tezliklə Ermənistanla Azərbaycan arasında sülh müqaviləsinin imzalanmasıdır.
Mədinə Xubaliyeva-YAP üzvü
