Müzəffər ordumuz 27 sentyabr 2020-ci il tarixində əsasəndə hərb tarixində yaddaşlarda dərin iz buraxan qələbə əldə etdi. Təbiki, bu qələbə xalqımızın inanılmaz iradəsi və Cənab prezident İlham Əliyevin uzaqgörən siyasəti nəticəsində əldə edildi. Ardı-arda qələbələrimiz davam etdi. İlk öncə Füzuli istiqamətində başlanan döyüş və sonra isə Zəngilanın işğaldan azad olunmasından bir neçə gün sonra Qubadlı şəhəri erməni işğalından azad edildi. Və ordumuz Laçın istiqamətində irəliləməyə başladı. Şuşaya istiqamət götürdü. Şuşa şəhəri noyabrın 8-də erməni işğalından azad edilmişdir. Azərbaycan bayrağı Şuşada qaldırılmışdı və sonda Ermənistan təslim olmağa məcbur olmuşdur. Bizim şanlı qələbəmizə və haqq savaşımıza qardaş Türkiyə dövləti müharibənin ilk günlərindən həm siyasi həm də hərbi baxımından dəstək olmuşdur. Hətta Türkiyə Cümhurbaşqanı Rəcəb Tayib Ərdoğan Azərbaycana dəstəyini ifadə etmişdir. Həmişə öz çıxışlarında “Azərbaycan yalnız deyil, Türkiyə Azərbaycanın yanındadır”. Bu siyasi və mənəvi dəstək döyüşün son günlərinə qədər davam etmişdir. Torpaqlarımızın işğaldan azad olunandan sonra Qarabağda və Zəngəzurda bərpa-quruculuq işləri aparılır və davam etdirilir.
Bölgənin birinci özəl sərmayəsi olan “Dost Aqroparkı” xüsusi qeyd etmək olar. Qarabağda və Zəngəzurda qardaş Türkiyə şirkətləri ilə bərabər İtaliya şirkətləri də aktiv fəaliyyət göstərir. Ən azı 12 şirkət qısa müddət ərzində böyük işlər görüb. Avtobil və dəmir yollarının habelə 33 tunelin inşası nəzərdə tutulur. 84 körpünün tikilməsi nəzərdə tutulur. Onların bir hisəsi tikilmişdir. Qarabağı və Şərqi Zəngəzuru tam bərpa etmək üçün daha böyük layihələr görüləcək.
Erməni işğalı dövründə bütün şəhərlərimiz, kəndlərimiz dağıdılmışdır. Ermənilər bu barbarlığı törətməkdə məqsədləri Azərbaycan xalqına qarşı nifrət etdiklərini və azərbaycanlılar heç vaxt bu torpaqlara qayıtmasınlar deyə törətmişdilər. Amma biz yenidən öz torpaqlarımıza qayıtmışıq və Qarabağı yenidən bərpa edəcəyik. Bu gün Türkiyə-Azərbaycan birliyinin və qardaşlığının növbəti təntənəsidir. Türkiyə kimi qüdrətli ölkə bizim qardaşımızdır, bu da bizim üçün böyük xöşbəxtlikdir.
İkinci Qarabağ savaşı bu birliyi daha da gücləndirdi. Türkiyə-Azərbaycan qardaşlığı, birliyi daha da yüksək pilləyə qalxdı. Bu gün Qarabağda Azərbaycan-Türkiyə bayraqları bir yerdə dalğalanır.
Nəsimi rayon təhsil işçisİ, YAP-ın üzvü
Abbasova Pərvanə
