image-ads_2000x150
image-news_20211116033636backend

Postlarımız Gorus-Qafan yolunda – VİDEO

image-ads_728x90

Gorus-Qafan yolunun Azərbaycan ərazisindən keçən hissəsində Azərbaycan qanunları artıq tam gücü ilə işləyir.

Qubadlı rayonunun Eyvazlı kəndi, eləcə də, Zəngilan rayonunun Qazançı kəndinin ərazisində Azərbaycanın iki yeni nəzarət-buraxılış məntəqəsi yaradılıb.

Alp.az xəbər verir ki, nəzarət-buraxılış məntəqələrində DSX ilə yanaşı, Daxili İşlər Nazirliyinin, Dövlət Gömrük Komitəsinin əməkdaşları xidmət aparır.

Postlardan İran İslam Respublikasına məxsus nəqliyyat vasitələri gömrük nəzarət məntəqəsindən qeydiyyatdan keçdikdən sonra buraxılır. Gün ərzində təxminən 50-ə yaxın yük avtomobili sərhəddən buraxılır.

Noyabrın 11-nədək təkcə Eyvazlıdan keçən avtomobillərin sayı 100-110-a çatırmış. Lakin indi Ermənistana məxsus avtomobillər bu yolla hərəkət etmir. Səbəb isə çox sadədir – Azərbaycana məxsus nəzarət-buraxılış məntəqələrindən keçərkən Ermənistam vətəndaşlarının ümumvətəndaş pasportları tələb olunur və onların pasportlarına Azərbaycan Respublikasının ərazisinə giriş-çıxış möhürü vurulur. Görünür, ermənilər bu möhürdən qorxduqları üçün asfalt yolla hərəkətə yox, yolsuzluq şəraitində olan alternativ yola üstünlük verirlər. Amma bu da çox davam etməyəcək. Çünki qış aylarında Ermənistanın öz vətəndaşlarına təklif etdiyi yol yox, yolsuzluqdan istifadə etmək mümkün olmayacaq. Qazançı kəndindəki nəzarət-buraxılış məntəqəsindən keçməmək isə ermənilərə heç indi də sərf etmir. Çünki bu postdan keçməmək üçün onlar 140 kilometr əlavə yol qət etməli olurlar. Bu isə həm vəsait, həm də əlavə 3 saatdan artıq vaxt itkisi deməkdir. Yəni, tezliklə Ermənistan vətəndaşları reallıqla barışmağa və Azərbaycanın qanunlarının işlədiyi ərazidən keçməyə məcbur olacaqlar. Hələlik isə ermənilər evlərindən Azərbaycan postlarını, sərhədçilərimizi, gömrük və polis əməkdaşlarının fəaliyyətini izləməklə məşğuldurlar.

İrandan Ermənistana hərəkət edən avtomobillərlə bağlı məsələ isə artıq öz həllini tapıb. İrana məxsus avtomobillər Azərbaycan ərazisindən tranzit keçərkən postlarımızda saxlanılır, sürücülərin sənədləri, avtomobilləri yükü yoxlanılır, heç bir problem yoxdursa, müvafiq rüsum ödəməklə yollarına davam edirlər.

Beləliklə, Azərbaycanın bir parçasına səfərimiz başa çatır. Biz qayıdırıq, qanunlarımız və vəzifə başında olan vətəndaşlarımız isə işlərini davam etdirirlər. Qürurla, şərəflə və vicdanla. Yorulmasınlar…

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki