Müdafiə Nazirliyinin N saylı hərbi hissəsinin komandiri, polkovnik Samir Mətləb oğlu Həziyev barəsində həbs qətimkan tədbiri seçilib.
Alp.az Bizim.Media-ya istinadən məlumat verir ki, bununla bağlı Azərbaycan Respublikası Hərbi Prokurorluğunun İstintaq İdarəsində aparılan cinayət işi üzrə məhkəmə qərarı elan olunub.
Samir Həziyev barəsində Azərbaycan Respublikası Cinayət Məcəlləsinin 341.2.3-cü (Vəzifə səlahiyyətlərindən sui-istifadə və ya vəzifə səlahiyyətlərini aşma – ağır nəticələrə səbəb olduqda) maddəsinə əsasən Bakı Hərbi Məhkəməsinin qərarı ilə həbs qətimkan tədbiri seçilib.
Qeyd edək ki, Samir Həziyev müdafiə nazirinin sabiq müavini, Əlahiddə Ümumqoşun Ordusunun keçmiş komandanı general-polkovnik Kərəm Mustafayevin yaxın adamı hesab olunur.
Kərəm Mustafayev bu yaxınlarda müdafiə nazirinin müavini – Əlahiddə Ümumqoşun Ordunun komandanı vəzifəsindən azad edilib.
