image-ads_2000x150
image-esasjpg-1659415369backend

Papazyandan sonra Abramyan da İrəvan aeroportundan qovuldu: Təfərrüat… 

image-ads_728x90

Xəbər verdiyimiz kimi, Ermənistan hökuməti qatı millətçi , Fransadakı ermənilərin himayədarı, Daşnaksütyun” partiyasının üzvü, Murad (Frank) Papazyanın ölkəyə girişinə yasaq qoyub.

Bu haqda Murad- Frank Papazyan öz Facebook hesabında paylaşım edib:” “Türkiyə və Azərbaycana girişimin qadağan edildiyini bilirdim və indi də bildim ki, bu, Paşinyanın Ermənistanına da aiddir”.
Papazyan daha sonra paylaşımına bu sözləri də əlavə edib:” Mən 40 ildir Ermənistan üçün vuruşuram. İnanmazdım ki, qiymətim belə veriləcək. Xalqı bu hakimiyyət “DUR”deməyə çağırıram”.

Diaspora rəhbərinin fikirlərinin müxalifət liderlərinin fikirləri ilə üst-üstə düşməsi Ermənistan Baş Naziri Nikol Paşinyan hakimiyyətinin diqqətini çəkməyə bilməzdi. Çünki, Papazyan Avropada Ermənistanın və “Artsax”ın maraqlarını qətiyyətlə müdafiə etməsi ilə fərqlənir və eyni zamanda o, Fransa və “Artsax”ın parlamentlərarası dostluq qrupunun başında dayanır. Təbii ki, “Artsax Azərbaycan ərazisidir” deyən Nikol Paşinyanın yürütdüyü siyasətə zidd ermənilərdəndir. Görünən odur ki, nə qədər ki, Paşinyan bu ölkədə baş nazirdi, Frank Papazyan Ermənistana həsrət qalacaq.
Frank Papazyan Avropada həm də Azərbaycan və Türkiyə hökümətlərinin əleyhinə təbliğatların başında duran ermənilərdəndir. Çünki, onun bu fəaliyyətini bilən hər iki qardaş ölkədə də onun ölkəyə girişi qadağan edilib.

Alp.az erməni mediasına istinadən xəbər verir ki, bu dəfə “Hay Dat”ın (“Erməni məhkəməsi) təşkilatının Hollandiyadakı ofisinin rəhbəri, türklərə qarşı barışmaz olan Masis Abramyan Ermənistanda “persona non-qrata” elan edilib. Abramyanın İrəvandakı Zvartnots hava limanından geri göndərildiyi deyilsə də səbəb açıqlanmır.

Qeyd edək ki, 10 noyabr sazişindən sonra erməni diaspor təşkilatları o cümlədən Avropanın müxtəlif şəfərlərində fəaliyyət göstərən “Hay Dat” təşkiları Nikol Paşinyanın istefasını tələb edirdilər.

Əntiqə Rəşid

image-ads_728x90

  • whatsapp
  • messenger
  • telegram
  • vkontakte
  • odnoklassniki