Erməni silahlı dəstələri Rusiya sülhməramlılarının müvəqqəti yerləşdiyi Qarabağdakı ərazilərdə Ordumuzun mövqelərini atəşə tutub.
Müdafiə Nazirliyinin mətbuat xidmətindən Alp.az-a verilən məlumata görə, noyabrın 26-sı saat 22:35-dən noyabrın 27-si saat 08:37-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Ordumuzun Xocavənd, Füzuli, Tərtər və Ağdam rayonları istiqamətlərində yerləşən mövqeləri fasilələrlə atəşə tutulub.
Bölmələrimiz tərəfindən adekvat cavab tədbirləri görülüb.
