image-bookfair_2000x150_gif_az_local
image-555backend

Orduda intihar hallarının artmasnın səbəbləri nədir?- Ekspert həyacan təbili çaldı 

image-ads_728x90

Son zamanlar Azərbaycan ordusunda intihar halları artmaqdadır. Doğrudur intihar halları Səfər Əbiyevin vaxtındakı qədər deyil, amma artan bir temp var…

Hərbi-ekspert: “Hər bir halda orduda olan intiharların qarşısını almaq üçün ciddi tədbirlər görülməlidir. Bu tədbirlərin görünmədiyini də düşünmək istəmirəm”.

“Ən yaxşısı problemi olan hərbiçilər komandirlərə, rəhbərlərə müraciət etsinlər. Komandirlər isə daim şəxsi heyyətlə fərdi söhbətlər aparmalıdır”.

Bu sözləri hərbi-ekspert Ədalət Verdiyev orduda baş verən intihar hallarının səbəblərini şərh edərkən qeyd edib.

Son zamanlar Azərbaycan ordusunda intihar halları artmaqdadır. Doğrudur intihar halları Səfər Əbiyevin vaxtındakı qədər deyil, amma artan bir temp var. Orduda intiharların sayının artmasını nəylə əlaqəlidir? Bu intiharlar ordu daxilindəki vəziyyətlə əlaqəlidir, yoxsa şəxsi problemlərdən yaranır? Ümumiyyətlə Azərbaycan ordusunun hazırkı nizam-intizamını necə dəyərləndirmək olar?

Ordumuzun hazırkı vəziyyətini PİA.az-ın əməkdaşı hərbi-ekspert Ədalət Verdiyev ilə müzakirə edib.

İntiharların hansı səbəblərdən baş verməsinin dərindən öyrənilməli olduğunu düşünən ekspert  bildirib ki, bu statistikanı əldə edəndən sonra biz nəsə deyə bilərik:

“Ordu kifayət qədər geniş heyyətə malik bir qurumdur. Burada da insanların fərqli xarakterləri, fərqli xüsusiyyətləri ola bilir. Təbii ki, orduda intihar hallarının baş verməsi heç kim üçün qəbul edilən və xoş bir hadisə deyil. Bu intizamla, əsgərin, hərbiçinin daxili aləmi ilə, ailədən aldığı xəbərlərlə, şəxsi həyatında mövcud olan problemlərlə əlaqəli ola bilər. İstənilən halda bunlar araşdırılmalı, analiz olunmalıdır. İntiharların hansı səbəblərdən baş verməsi dərindən öyrənilməlidir. Bu statistikanı əldə edəndən sonra biz nəsə deyə bilərik.

Hər bir halda orduda olan intiharların qarşısını almaq üçün ciddi tədbirlər görülməlidir. Bu tədbirlərin görünmədiyini də düşünmək istəmirəm. Biz istərdik bu barədə rəsmi statistikalar olsun ki, ictimaiyyətin bu məsələlərdən məlumatı olsun.

Ordudakı nizam-intizamla bağlı heç bir ciddi siqnal almıram. Orduda nizam-intizam bölmələri yüksək səviyyədədir. Amma ayrı-ayrı çatışmamazlıqların da mövcud olduğunu vurğulamalıyam. Mən hərbçilərimizin belə addımlardan çəkinməyə çağırıram. İntihar heç bir problemi həll etmir. Əksinə mövcud olan problemləri daha da dərinləşdirir.
Buna görə də hərbçilərimiz də, vətəndaşlarımız da problemin həllini bu yolda axtarmamalıdırlar.

Ən yaxşısı problemi olan hərbiçilər komandirlərə, rəhbərlərə müraciət etsinlər. Komandirlər isə daim şəxsi heyyətlə fərdi söhbətlər aparmalıdır. Onların daxili aləminə nüfuz etməli, onların nə düşündüklərini, hansı problemlərinin olduğunu dəqiq bilməlidirlər. Hər bir əsgər fərdidir. Onların daxili aləmi fərdidir. Bütün bu məsələləri diqqətdə saxlamalıyıq. Belə məsələlərə diqqət zəifləyərsə, o zaman təbii ki, onun ağır fəsadları da qaçınılmaz olacaq”.

image-ads_728x90

  • whatsapp
  • messenger
  • telegram
  • vkontakte
  • odnoklassniki