Tarixi abidələrimizin qorunması və gələcək nəsillərə çatdırılması istiqamətində Azərbaycan Respublikasının Prezidenti İlham Əliyev, Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva ölkə daxilində və xaricində böyük işlər həyata keçirirlər. Son illər ölkəmizdə tarixi abidələrin bərpası və qorunması istiqamətində bir sıra layihələr icra olunub.Ölkə başçısının böyük diqqət və qayğısı sayəsində Azərbaycanda tarixi abidələrin tədqiqi, mühafizəsi və bərpası, mədəniyyət nümunələrinin beynəlxalq aləmdə təbliği istiqamətində böyük işlər görülür. Ölkə başçımızın tapşırığına əsasən Azərbaycan tarixini, mədəniyyətini və dinini özündə əks etdirən onlarla abidələrimiz restavrasiya olunub.
Azərbaycanın Qobustan rayonunun ərazisində yerləşən “Diri Baba” türbəsi cənab İlham Əliyevin göstərişinə əsasən bərpa və konservasiya olunub.
Qeyd edək ki, Prezident İlham Əliyev Qobustan rayonundakı “Diri Baba” türbəsində aparılan yenidənqurma işləri ilə tanış olmuşdur.Dövlət basçısı avqustun 12-də Azərbaycan Televiziyasına verdiyi müsahibəsindədeyib:“Bir müddət bundan əvvəl mənim tərəfimdən göstəriş verilmişdir ki, bu tarixi abidəmiz bərpa edilsin, onun ətrafında turizm infrastrukturu yaradılsın. Diri Baba türbəsi öz unikallığı ilə bütün Qafqaz bölgəsində seçilir. Yaşı 500 ildən çox olan bu türbə əsrlər boyu Azərbaycan xalqı tərəfindən müqəddəs yer kimi tanınıb. Əlbəttə ki, bizim borcumuzdur ki, bu qədim tarixi abidəni yaşadaq, ona yeni həyat verək, bərpa edək. Onun ətrafında mövcud olan şərait də müasir standartlara cavab verməlidir”.
Prezident cənab İlham Əliyev və birinci vitse-prezident Mehriban xanım Əliyevanın “Diri Baba” türbəsini ziyarət etmələri sübut edir ki, ölkə başçımız xalqımıza məxsus müqəddəs yerlərə böyük ehtiram göstərir.
Azərbaycan Dövlət Pedaqoji Universiteti
Gülpəri Məmmədli
