“Azərbaycan-Gürcüstan münasibətləri daim ortaq strateji maraqlara söykənib. Bu əlaqələrin daha da möhkəmləndirilməsi istiqamətində Azərbaycanın təşəbbüsü və fəal iştirakı ilə reallaşdırılan enerji və nəqliyyat layihələri regional əməkdaşlığa mühüm töhfədir”.
Bunu açıqlamasında deputat Müşfiq Cəfərov bildirib.
Deputat qeyd edib ki, hər iki ölkə əməkdaşlığın genişləndirilməsində maraqlı olduğundan qarşılıqlı əlaqələr günbəgün yüksələn xətlə inkişaf edir: “Gürcüstan dövlətimizin təşəbbüsü ilə reallaşdırılan transmilli layihələrində fəal iştirak edir. Bu gün iqtisadi-ticarət əməkdaşlığının inkişafı etdirilməsi və birbaşa investisiyaların cəlb edilməsi üçün mövcud potensial daha da inkişaf etdirilir. Cənab Prezidentin Gürcustana olan səfərində ölkələrimiz arasında iqtisadi-ticarət əlaqələrinin inkişafı, tranzit yükdaşımalar və logistika imkanlarının genişləndirilməsi, həmçinin birgə layihələrin icrası barədə fikir mübadiləsi aparılıb. Qeyd edim ki, hər iki qonşu ölkə istər beynəlxalq təşkilatlarda, istərsə də regional təşkilatlarda daima bir-birilərini dəstəkləyiblər.Həmçinin İkitərəfli və üçtərəfli diplomatik formatda yeni regional əməkdaşlıq platforması da yaratmağa nail olublar. Bildiyimiz kimi Şərqdən-Qərbə yükdaşımalarda Azərbaycanın əhəmiyyətli paya sahib olmasını təmin edəcən Bakı-Tbilisi-Qars dəmir yolu xətti Gürcustandan keçir.Bu da əlaqələrin inkişaf dinamikasını artan templə mövcüdluğunu şərtləndirir. Baş nazir İrakli Qaribaşvili çıxışında Cənubi Qafqazda əməkdaşlıq formatının yaradılması barədə Praqada ölkə başçısı tərəfindən irəli sürülən təşəbbüsü də dəstəklədiyini vurğulması ərazi bütövlüyümüzə olan dəstək kimi qiymətləndirilə bilər. Azərbaycan və Gürcüstanın birgə icra etdiyi bir çox önəmli layihələr nəinki, ölkələrimiz üçün, hətta Avropa üçün xüsusi əhəmiyyət daşıyır”.
