Özbaşınalıqda və rüşvətxorluqda ittiham olunan Abşeron rayonu Masazır kənd 4 nömrəli tam orta məktəbin direktoru Roza Məmmədova işindən kənarlaşdırılıb.
Bu barədə Abşeron Rayon Təhsil Şöbəsinin mətbuat katibi Aysel Tahirova bildirib.
Onun sözlərinə görə Roza Məmmədova direktor vəzifəsindən sentyabrın 15-də azad olunub. Hal-hazırda direktor vəzifəsi məktəbin ingilis dili müəllimi Elşən Qurbanova həvalə edilib.
Xatırladaq ki, Roza Məmmədovanın müavinləri onun qanunsuz əməlləri və məktəb daxilində yaratdığı intriqalara görə Bizim.Media-ya şikayətlənmişdi. Şikayətçilər baş verənlərlə bağlı iyunun 25-də də Təhsil Nazirliyinə rəsmi müraciət ünvanlamışdılar.
