image-aqil-elesger-yenicagbackend

MŞ İdarə Heyətinin üzvü Çingiz Abdullayevi tənqid etdi: “Jurnalist qulağının dibinə şapalaq yemədiyinə şükr etməlidir”

image-ads_728x90
Azərbaycan Mətbuat Şurasının İdarə Heyətinin üzvü Aqil Ələsgər Xalq yazıçısı Çingiz Abdullayevin ona sual ünvanlayan jurnalisti təhqir etməsinə münasibət bildirib.

Alp.az xəbər verir ki, Aqil Ələsgər Çingiz Abdullayevin jurnalistlə davranışını tənqid edib.

“O qədər pis alışıblar ki, etdikləri heç nə sorğulanmasın, müzakirə edilməsin. Bunlar da dövlət malını basıb yesinlər. Hələ bir minnət də qoysunlar xalqın boynuna ki, mən VİP-dən çırpışdırdığım suyu sizə vermişəm, jurnalist isə 203 minin söhbətini edir. Ömrü copy-paste kitab “yazmaq”la keçən biri üçün jurnalistə belə cavab verməsi normaldır. Çünki eqosu elə böyükdür ki, jurnalist qulağının dibinə şapalaq yemədiyinə şükr etməlidir. Dəyişməsini istədiyimiz Azərbaycan bax çingizlərin at oynatdığı məmləkətdir. Çətindir, ancaq ölkə rəhbərinin iradəsi ilə başlayan bir dəyişim var. Yəqin ki, sonunda gülən tərəf islahat tərəfdarları olacaq.

Bunun üçün o jurnalistin arxasında dayanıb, o Ahıl Yazıçılar Birliyinin utanmaz üzvünün üzünə “əsl utanası sənsən” deməkdən də çəkinməməliyik… “Öləsi” demirik, çünki bu tiplər xalqın nəzərində çoxdan ölüblər, özlərinə xəbər verən yoxdur…”.

image-ads_728x90

  • whatsapp
  • messenger
  • telegram
  • vkontakte
  • odnoklassniki