Milli Məclisin Mədəniyyət komitəsinin sədri Qənirə Paşayeva “Azərxalça”nı ziyarət edib, “Azərxalça” Açıq Səhmdar Cəmiyyətinin İdarə Heyətinin sədri Emin Məmmədovla görüşüb. Görüşdə Azərbaycan Respublikasının Prezidenti İlham Əliyev və Birinci vitse-prezident, Heydər Əliyev Fondunun prezidenti Mehriban xanım Əliyevanın Azərbaycan xalçasına, xalçaçılıq məktəbi ənənələrinə, ümumən mədəni irsimizə həssas münasibəti minnətdarlıqla qeyd olunub.
Komitə sədri Prezidentin Sərəncamı ilə 2016-cı ildə yaradılmış “Azərxalça”nın ötən illər içində mühüm işlər gördüyünü, xalça və xalça məmulatlarının istehsalı, ixracı, onların ölkə daxilində və xaricdə satışının təşkili, xalça və xalça məmulatlarının istehsalında yeni texnologiyaların tətbiqi sahəsində əməli layihələr icra eməsindən məmnunluğunu bildirib. Özəlliklə, yeni rəhbərlik dönəmində, “Azərxalça”nın maddi-texniki bazasının çağdaşlaşdırılması və ondan səmərəli istifadə, eləcə də, bu sahənin inkişafı ilə bağlı digər zəruri işlərin yerinə yetirilməkdə olduğunu söyləyən Q.Paşayeva, sənətini və vətənini ürəkdən sevən xalçaçılarımıza yeni uğurlar arzulayıb.
Görüşdə AQSİA-nın sədri Səkinə Babayeva iştirak edib.
Qeyd edək ki, “Azərxalça”nın məhsullarını dünyanın dörd tərəfindən onlayn qaydada da sifariş vermək, əldə etmək mümkündür. Cəmiyyət yeni trendlərə biganə deyil, çağdaş texnologiyaları həm də satış siyasətinə uğurla tətbiq etməkdədir:
