Bugün Lerik rayon Çayrud kəndində şəhid Elşən Səfərov adına Çayrud kənd tam orta məktəbində “Səssiz Dünya” işarət dilində danışan əlillərə və idmançılara dəstək” İctimai Birliyi Azərbaycan Respublikasının QHT-lərə Dövlət Dəstəyi Agentliyinin dəstəyi ilə “Qəhrəmanlıq səlnaməsinin Elşən Səfərov zirvəsi” layihəsi çərçivəsində çəkilmiş sənədli filmin təqdimatı keçirildi.
Öncə tədbirdə, kənd qəbiristanlığında şəhidin məzarını ziyarət edib, üzərinə gül dəstələri düzərək xatirəsini ehtiramla yad etdik.
Elşən Səfərov adına Çayrud kənd tam orta məktəbinin akt zalında davam etdirilən tədbirdə şəhidlərin xatirəsi sükutla yad edildi.
Tədbirin aparıcısı şəhid Elşən Səfərov haqqında geniş məlumat verib, Çayrud kəndində şəhidlərin xatirəsinə silsilə tədbirlərin həsr edildiyini və bu gün “Qəhrəmanlıq səlnaməsinin Elşən Səfərov zirvəsi” layihəsi çərçivəsində ona həsr olunmuş filmin təqdimatının keçirildiyini diqqətə çatdırdı.
Tədbirdə rayon icra hakimiyyəti başçısı Əkbər Abbasovla birgə və layihə rəhbəri Aida Səfərova çıxış edərək belə tədbirlərin keçirilməsində əsas məqsədin vətənimizin azadlığı uğrunda canlarını fəda etmiş şəhidlərin gənc nəslə tanıtdırılmasında, yeniyetmələrin vətənpərvərlik və vətənə sevgi ruhunda tərbiyyə olunmasında rolunu qeyd etdik.
Sonra “Qəhrəmanlıq səlnaməsinin Elşən Səfərov zirvəsi” sənədli filmi nümayiş etdirildi.
Sonda rayon icra hakimiyyəti başçısı Əkbər Abbasovla birgə şəhidin anası Vlanaz Səfərova ilə görüşüb səmimi söhbət etdik.
İqbal Məmmədov
Millət vəkili
