Avqustun 11-də millət vəkili Jalə Əhmədova Salyan rayonunda seçiciləri ilə növbəti görüşünü keçirib. Bu barədə saytımıza millət vəkili məlumat verib.
Görüşdə ilk olaraq millət vəkili şəhid ailələri, qazilər, Vətən müharibəsi iştirakçılarını qəbul edib, hər birini ayrı-ayrılıqda dinləyərək problemləri ilə maraqlanıb.
“Seçicilər əlillik, pensiya, işsizlik və məşğulluq məsələləri ilə bağlı problemlərdən danışdılar və qeyd etdikləri məsələlərin müsbət həllində köməklik göstərməyimi xahiş etdilər.
Səhər saat 11-dən axşam saat 10-a kimi davam edən qəbul zamanı ümumilikdə 56 nəfər seçicini dinlədim. Onları narahat edən məsələlər barədə qeydiyyatlar aparıb, problemlərin həlli üçün səlahiyyətlərim çərçivəsində əlimdən gələn köməkliyi əsirgəməyəcəyimi bildirdim.” -deyə millət vəkili bildirib.
