Millət vəkili, Milli Məclisin Mədəniyyət komitəsinin sədri Qənirə Paşayeva Bərdəyə səfər çərçivəsində Bərdə Regional Mədəniyyət idarəsinin nəzdində fəaliyyət göstərən musiqi ansamblının üzvləri ilə görüşüb. Onların Bərdədə, ümumiyyətlə regionda keçirilən, habelə Respublika səviyyəli yarışlarda uğurla iştirakına dair məlumatlardan şad olduğunu bildirən Komitə sədri, gənclərimizin istedadının üzə çıxarılmasına xidmət edən hər bir lahiyəni təqdir etmək və dəstək göstərməyin vacib olduğunu bildirib. Regional Mədəniyyət İdarəsinin nəzdində fəaliyyət göstərən gənclərdən ibarət ansamblın Bərdə Mədəniyyət Mərkəzində keçirilən “Şuşadan Türk dünyasına doğan Günəş: Xurşidbanu Natəvan” adlı tədbirdə çıxışını dinlədiyini və gənclərimizin istedadına bir daha şahidd olduğunu bildirən Komitə sədri, digər Regional Mədəniyyət idarələrində də istedadlı gənclərin müxtəlif maraq dairəsi üzrə qruplarda birləşməsinin məqsədəuyğun olduğunu bildirmişdir. Komitə sədri Bərdə Regional Mədəniyyət İdarəsinin nəzdində fəaliyyət göstərən ansamblın üzvlərinə Qarabağ motivli xatirə hədiyyələri, “Şuşadan Türk dünyasına doğan Günəş və Ay – Xurşidbanu Natəvan və Fatma xanım Kəminə” kitablarını imzalı hədiyyə etmişdir.
Millət vəkili Bərdədə mədəniyyət işçiləri ilə görüşüb
