Milli media məkanımızda öz dəst-xətti ilə seçilən Axar.az elektron mətbuat orqanının 9 yaşı tamam olur. Axar.az daşıdığı adına uyğun olaraq axarlı oxunan, ölkənin ictimai-siyasi və sosial mədəni həyatında baş verən bütün hadisələrlə bağlı xəbərləri və şərhləri yüksək peşəkarlıqla hazırlayıb operativ və obyektiv şəkildə oxuculara çatdıran uğurlu bir informasiya mənbəyidir. Fəaliyyət göstərdiyi 9 il ərzində heç vaxt ucuz sensasiya dalınca qaçmayıb, ictimai əhəmiyyət kəsb edən hadisələri obyektiv dəyərləndirməyə çalışıb, hər hansı informasiyanı dərc etməzdən öncə faktların yoxlanılması kimi vacib bir prinsipə yüksək intizamla əməl edib. Jurnalistika fəaliyyətində riayət edilməsi zəruri olan etik davranış qaydalarına sadiqliyi Axar.az əməkdaşlarının öz peşəsinə sevgi və rəğbətlə yanaşmasının və yüksək peşəkarlığının göstəricisidir. Axar.az-ın bütün bu məziyyətlərinə görə onun fəaliyyətini təşkil edən, əməkdaşların peşəkarlığına yüksək qiymət verən, ardı-arası kəsilməyən informasiya axınında yüz minlərlə oxucularına təqdim etdiyi məlumatların səhihliyinə və obyektivliyinə zəmanət verən, ölkəmizin milli maraqlarının müdafiəsini öz fəaliyyətinin məhək daşı kimi görən Aynur Camalqızının fədakar əməyi diqqətə və böyük rəğbətə layiqdir. Hörmətli Aynur xanımı və onun timsalında Axar.az informasiya portalının bütün əməkdaşlarını Axar.az satının xalqımız və dövlətimiz naminə 9 illik uğurlu fəaliyyəti münasibətilə təbrik edirəm. Hər birinə yeni- yeni yaradıcılıq uğurları, möhkəm can sağlığı, firavanlıq və səadət arzulayıram. Bütün işləriniz daim axarlı və baxarlı olsun!
Hörmətlə, millət vəkili
Cavanşir Feyziyev
Millət vəkili Axar.az saytını təbrik etdi
