38 il əvvəl, 1983-cü il noyabrın 18-də 7 gürcü gənci sərnişin təyyarəsini ələ keçirərək xaricə qaçmağa cəhd göstərdilər. Onların hamısı tanınmış şəxslərin övladları, “qızıl gəncliyin” nümayəndələri idilər.
1. İosif Sereteli, 25 yaş, “Gürcüstan-film”də rəssam, atası Tbilisi Dövlət Universitetinin professoru, Gürcüstan EA-nın müxbir üzvü Konstantin Sereteli.
2. Paata İverieli, 30 yaş, həkim, atası həkimlərin təkmilləşmə institutunda kafedra müdiri, professor Vaja İverieli.
3. Kaxa İverieli, 26 yaş, həkim, Paata İverielinin qardaşı.
4. Qeqa Kobaxidze, 21 yaş. “Gürcüstan-film”də aktyor, həmin vaxt Tengiz Abuladzenin “Tövbə” filmində çəkilirdi. Atası kinorejissor Mixail Kobaxidze.
5. David Mikaberidze, 25 yaş, Tbilisi incəsənət akademiyasının tələbəsi. Atası “İnturist”in tikinti trestinin müdiri Rajden Mikaberidze.
6. Tinatin Petviaşvili, 19 yaşlı qız, Tbilisi incəsənət akademiyasının tələbəsi, atası fizik, elmlər doktoru Vladimir Petviaşvili.
7. Qriqori Tabidze, narkoman, üç dəfə məhkum olunub. Atası Texniki-peşə təhsili üzrə dövlət komitəsinin layihə bürosunun müdiri Teymuraz Tabidze.
Noyabrın 17-də Qeqa Kobaxidze və Tinatin Petviaşvilinin toyu oldu. Ertəsi gün isə onlar və dostları Tbilisi-Batumi-Kiyev-Leninqrad reysi ilə uçan təyyarəyə mindilər. Aeroportun tanış işçisi bilmədən onlara silah keçirməyə imkan verdi (özləri ilə çaxır apardıqlarını demişdilər).
Təyyarənin Batumiyə, yəni Türkiyə ilə sərhədə çatmaq üzrə olduğunu düşünən terrorçular ayağa qalxaraq heyti və sərnişinləri silahla təhdid etməyə başladılar. Onların xəbər yox idi ki, təyyarə güclü külək üzündən Batumidə enməyib Tbilisiyə qayıtmaq göstərişi almışdı. Gənclər sərnişinlər arasında aviasiya təhlükəsizliyi xidmətininəməkdaşları ola biləcəyindən xəbərdar idilər. Beləsinə bənzətdikləri bir nəfəri öldürdülər, iki nəfəri ayaraladılar (heç birinin təhlükəsizlikə əlaqəsi yox idi).
Terrorçulardan ikisi stüardessanın hədələyərək pilotların kabinəsinə keçə bildilər. Burada onlar Türkiyəyə uçmağı tələb edilər, onlarla mübahisə edən bort-mühəndisi Tabidze atəş açaraq öldürdü. Bu zaman heyət də onlara silahlı müqavimət göstərdi, nəticədə Tabidze öldürüldü, Sereteli yaralandı. Pilotlar kabinənin qapısını bağlayıb təyyarəni Tbilisidə yerə endirə bildilər. Bunu görən Mikaberidze intihar etdi.
Noyabrın 19-da saat 06.55-də KQB-nin “Alfa” qrupu təyyarəyə hücum edərək terrorçuları zərərsizləşdirdi. Hadisə nəticəsində 7 nəfər (3 heyət üzvü, 2 terrorçu və 2 sərnişin) həlak oldu.
Qrupun lideri İosif Sereteli həbsdə naməlum şəraitdə öldü. Sağ qalan 4 nəfər, eləcə də istintaqın terroçuları həvəsləndirdiyi qənaətinə gəldiyi keşiş Teymuraz Çixladze məhkəmə qarşısına çıxarıldılar. Tinatin Petviaşvili 14 il həbs cəzası aldı, kişilər isə, o cümlədən təyyarənin qaçırılmasında iştirak etməyən keşiş ölüm cəzasına məhkum olundular və 1984-cü ilin oktyabrında güllələndilər. Tinatin 1991-ci ildə Qamsaxurdiya tərəfindən əfv edildi, hazırda Kiprdə yaşadığı deyilir.
Bu hadisələr əsasında 2017-ci ildə “Girovlar” filmi çəkildi.
Yadigar Sadıqlı
