Özbəkistan alimləri pomidor-peyvənd hazırlamağa nail olublar.
Bu haqda yerli “Sevimli” telekanalının “Zamon” proqramında reportaj yayımlanıb.
Özbək alimlərin sözlərinə görə, belə bir pomidor yeyən insan koronavirusa qarşı peyvənd olunur.
“Koronavirusu klonlaşdıraraq tərəvəz hüceyrəsinə daxil etdik. Pasient “peyvənd edilmiş pomidor” yeyəndən sonra insan bədəninə daxil olmuş pomidor hüceyrələrindən anti-cisimlər ayrılır”- Özbəkistan Respublikası Elmlər Akademiyası Genomika və Bioinformatika Mərkəzinin alimlərindən biri belə deyir.
Qeyd edilir ki, Mərkəzin alimləri bu “yeməli” vaksinin hazırlanması üzərində bu ilin yanvar ayından işləyirlər.
