“Məhkəmə sistemində islahatlar gözlədiyimiz bir vaxtda absurd şəkildə vəkillərin və məhkəməyə müraciət edənin vəsatətləri guya qəsdən olacaqsa, 500 manat cərimələnməsi hüquqa qarşı və vətəndaşlara qarşı ən böyük zərbədir”.
Alp.az xəbər verir ki, bu sözləri Milli Cəbhə Partiyasının sədrinin müavini, politoloq Məhəmməd Əsədullazadə deyib.
Onun sözlərinə görə, məhkəmə sistemi korrupsiya bataqlığındadır, vəkillik institutu çökdürülüb:
“Bu yolla Məhkəmələr düşəcək vəkillərin üstünə və vətəndaş məhkəməyə müraciət etməyəcək. Belə bir absurd qərar Azərbaycanda əhalinin sosial vəziyyətinə mənfi təsir edəcək. Məhkəmələrə etimad sıfırdır. Kimlərsə ölkədə xalq və dövlət arasında ziddiyyətlər yaradır. Bu qərar ləğv edilməlidir. Onsuzda məhkəmə sistemi dövrün ən böyük böhranını yaşayır. Rüşvət və korrupsiya bataqlığındadır. Pulnan və tapşırıqla ədalətiz qərar verən məhkəmələr bu qərardan sonra daha da vəkilin və vətəndaşın üstünə gələcək. Vətəndaşın hüquqları demək olar ki, tanınmayacaq.Avropa ittifaqı ilə assosiasiya sazişi bağlanmalidir. Məhz bu saziş, belə bir yanlış qərarlara qarşıdır”.ф
