Polşanın “Legiya” klubunda çıxış edən Azərbaycan millisinin futbolçusu Mahir Emreli İngiltərədə “Lester”lə UEFA Avropa Liqasının qrup mərhələsinin V tur matçından əvvəl paylaşım edib.
Alp.az-ın məlumatına görə, hücumçu görüşün keçiriləcəyi “Kinq Pauer” stadionundan paylaşdığı məşq fotolarını “If you plan to build walls around me, know this: I will walk through them” (“Ətrafımda divarlar hörməyi planlaşdırırsınızsa, bilin ki, mən bunların arasından keçib gedəcəyəm”) başlığı ilə paylaşıb.
Xatırladaq ki, Mahir Polşa çempionatıdakı son oyunlarda tənqid hədəfinə çevrilib.
Qeyd edək ki, bu gün keçiriləcək “Lester” – “Legiya” matçı saat 00:00-da start götürəcək.
