Beynəlxalq Muğam Mərkəzində Azərbaycan jurnalistlərinin VIII qurultayı öz işinə başlayıb.
Publika.az-ın əməkdaşının verdiyi xəbərə görə, ilk olaraq sədarət, katiblik, say və mandat komissiyalarının yaradılması nəzərdə tutulur.
Bundan sonra qurultayın iş planı təsdiq ediləcək.
Qurultayın qrafikinə görə, Azərbaycan Mətbuat Şurasının sədrinin hesabatı dinləniləcək.
Ardınca, MŞ-nın Nəzarət-Təftiş Komissiyasının sədri hesabat verəcək.
Daha sonra qurultay nümayəndələri bir sıra məsələlər üzrə müzakirələr aparacaqlar.
Qurultayda Mətbuat Şurasına yeni sədr, idarə heyətinə isə yeni üzvlərin seçiləcəyi gözlənilir. 46 namizəddən 23-nün yeni idarə heyətinə üzv seçilməsi planlaşdırılır.
