Dünən İstanbulun mərkəzində törədilən partlayışa görə məsuliyyəti erməni terror təşkilatı – ASALA tez-tələsik öz üzərinə götürdü.
ASALA-nın terror hadisəsindən cəmi 20 dəqiqə sonra bu terroru öz üzərinə göturməsinə qaranlıq məqamlardan xəbər verir. Çünki terror hadisəsində həbs edilən əsas simanın kürdəsilli qadın olduğu iddia edilir. Bundan əlavə qeyri-rəsmi məlumatlara görə terror hadisəsinə görə 20-dən artıq şəxs həbs edilib. ASALA bu terroru öz üzərinə götürməklə digər qrupları oyundankənar etmək istəyir. Amma görünən odur ki, Türkiyə xüsusi xidmət orqanları bütün varinatlar üzərində ciddi işləyir və terrorun sifarişçiləri tezliklə aşkar olunacaq.
Bakupost xəbər verir ki, bu barədə erməni telegram kanalları məlumat yayıb.
Kamikadzenin Ciyan Tosun olduğu ehtimal edilir. Onun Kürdüstan Fəhlə Partiyasının üzvü olduğu bildirilir.
37 yaşlı Ciyan Tosun kürd əsillidir və Diyarbəkirlidir. Bu səbəbdən, terrorun PKK tərəfindın törədilməsi ehtimalları da yüksəkdir.
Qeyd edək ki, bəzən terror təşkilatları mövcudluqlarını göstərmək üçün aidiyyəti olmadığı halda teraktların məsuliyyətini üzərlərinə götürürlər. Buna görə də ASALA-nın İstanbul teraktının məsuliyyətini üzərinə götürməkdə nə dərəcədə həqiqəti dediyi şübhəlidir.
Sözügedən kanalda Azərbaycan da təhdid edilib və bildirilib ki, Bakı da “sürprizlərə” hazır olmalıdır.
Xatırladaq ki, İstanbuldakı bugünkü terakt nəticəsində son məlumata görə 6 nəfər ölüb, 81 nəfər yaralanıb.
