İsrail Ukraynaya “Dəmir qübbə” hava hücumundan müdafiə sistemini satmaqdan imtina edib.
Alp.az lenta.ru-ya istinadən verdiyi məlumata görə, rəsmi Təl-Əviv yaxın Şərqdəki münaqişə ocaqlarında Rusiya ilə qarşıdurmalardan yayınmağı nəzərdə tutan siyasət nümayiş etdirir. Bu baxımdan da Ukraynadakı müharibədə bu ölkənin hərbi istiqamətdə dəstəklənməsi layihəsində iştirak etməkdən yayınır.
Ukraynanın paytaxtı Kiyevin meri Vitali Kliçko da açıqlamasında bu faktı təsdiqləyib. O bildirib ki, uzun müddətdir İsraillə hava hücumundan müdafiə sistemlərinin əldə olunması istiqamətində aparılan danışıqlar nəticəsiz başa çatıb.
Bu məlumatı adının gizli qalmasını istəyən ABŞ konqresmeninin köməkçisi də təsdiqləyir. Onun sözlərinə görə, “Dəmir qübbə” zenit-raket kompleksi ABŞ-la birgə hazırlanmasına baxmayaraq, Prezident Co Bayden administrasiyası Təl-Əvivdən mövqeyini dəyişməyi tələb etməyib.
