Təcavüzkar düşmən tərəfi 2020-ci il sentyabr ayının 27-dən başlayaraq cəbhə boyu təxribata əl atmaqla və Azərbaycan ordusuna və yerli əhaliyə iri çaplı silahlardan atəş açmağa başlamaqla öz təcavüzkar siyasətini davam etdirmişdir. Əlbəttə ki, səhər saatlarında Ermənistan silahlı qüvvələrinin ölkəmizə qarşı həyata keçirdiyi hücum zamanı məqsədləri yeni ərazilərimizi işğal etmək, əhalini qorxuya salmaqla öz yurd-yuvalarını tərk etməyə məcbur etməkdən ibarət idi.
Ermənistanın 27 sentyabrtarixli hərbi əməliyyatının planlaşdırılmış təxribat olduğu açıq-aydın görünürdü və bu hadisə bir daha sübut etdi ki, Ermənistan işğalçı bir dövlətdir.
Ermənistanın danışıqlardan imtina edərək təxribata əl atması artıq Azərbaycanın onlarla sülh dilində danışmasını mümkünsüz etdi.Atəşkəs rejimini kobud şəkildə pozan Ermənistan silahlı qüvvələri cəbhə boyu Azərbaycan silahlı qüvvələrinin mövqelərinə intensiv zərbələr endirməklə yanaşı Tərtər, Ağdam, Füzuli və Cəbrayıl rayonlarının yaşayış məntəqələrini qəsdən artilleriya atəşinə tutaraq Azərbaycana qarşı növbəti təcavüzə başladılar. Nəticədə, hərbi qulluqçular ilə yanaşı Azərbaycanın 11 dinc sakini, o cümlədən 2 uşaq həlak olmuşdur. Düşmənin cəbhəboyu genişmiqyaslı təxribat törətməsinə cavab olaraq Silahlı Qüvvələrin Ali Baş Komandanı İlham Əliyev dərhal bütün cəbhə boyu əks-hücuma keçmək əmri verdi və “Dəmir yumruq” adlandırılan əks-hücum əməliyyatına başladı.
Müzəffər ordumuzun əks-əməliyyatları nəticəsində təxribatın ilk günü 7 yaşayış məntəqəsinin və 2 əlverişli hündürlüyün işğaldan azad olunması Azərbaycan xalqını böyük qələbəyə daha da yaxınlaşdırdı.
44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.
Hadisələrin gedişatımüddətində düşmən ölkə daxil, bütün ölkələr xalq və ordu birliyimizin sarsılmaz olduğunun bir daha şahidi oldu. On minlərlə insanın orduya könüllü kimi yazılması, eləcədə təxribatlar baş verən ərazilərdə yaşayanların öz evlərini tərk etməməsi faktı Azərbaycanda xalq-ordu birliyinin və orduya olan inamın bariz nümunəsidir.
Xalqın haqq tələbi, müharibəyə hazırlıq dərəcəsi və dövlətə inamı ruh yüksəkliyinin səbəbi, nümayiş olunan ruh yüksəkliyi isə qələbənin zəminidir.
İsmayılova Günay Asəm qızı
ADPU,Nəsimi rayon sakini
