image-ads_2000x150
image-6666backend

İrəvandan “status” açıqlaması: Qriqoryan Qarabağ planını etiraf etdi 

image-ads_728x90

Ermənistan Qarabağda “status”a ermənilərin “hüquq və təhlükəsizliyinin təminatı” üzərindən nail olmağı planlaşdırır.

Alp.az xəbər verir ki, bu barədə Ermənistan Təhlükəsizlik Şurasının katibi Armen Qriqoryan deyib.

Onun sözlərinə görə, İrəvanın seçdiyi bu yol nəticələr əldə etməyə kömək edəcək.

“Biz əminik ki, statusu müəyyən edən hüquq və təhlükəsizlikdir. Biz bu istiqamətdə fəaliyyətimizi davam etdirəcəyik”, – Qriqoryan bildirib.

Rəsmi İrəvan “status” tələbinin aşağı salınmasına dair beynəlxalq tələbdən sonra indi də “hüquq və təhlükəsizlik” məsələsini önə sürüb. Bu, prinsip etibarilə Bakının əvvəldən sərgilədiyi mövqe ilə üst-üstə düşür. Azərbaycan Qarabağdakı erməniləri öz vətəndaşı hesab edir və bütün vətəndaşları kimi onların da hüquq və təhlükəsizliyinə zəmanət verir. Sonuncu Brüssel görüşündə “Qarabağdakı etnik ermənilər”dən bəhs olunması da artıq bu istiqamətdə kulis razılaşmalarından xəbər verir.

Qriqoryanın bu açıqlaması da mövcud vəziyyətdə daxili rəyə hesablanıb: Ermənistan hakimiyyəti “Qarabağ” tələbi ilə etiraz edən müxalifətə, ümumilikdə daxili auditoriyaya “narahat olmağa əsas yoxdur” mesajını verir.

Hərçənd, İrəvan “status”un arxa plana keçməsi reallığı ilə barışsa da, bunu yenidən aktuallaşdırmaq istiqamətində də cəhdləri də bəllidir. Qriqoryanın daxili rəyə hesablanmış açıqlamasına həm də məqsədlərinin etirafı kimi də baxa bilərik.

image-ads_728x90

  • whatsapp
  • messenger
  • telegram
  • vkontakte
  • odnoklassniki