“Fələstin radikal HƏMAS hərəkatının Siyasi Bürosunun rəhbəri İsmayıl Haniyənin öldürülməsi ABŞ kəşfiyyatının köməyi olmadan həyata keçirilə bilməzdi.”
Alp.az-ın məlumatına görə, APA TASS-a istinadən xəbər verir ki, bunu BMT Təhlükəsizlik Şurasının fövqəladə iclasında İranın qurumdakı daimi nümayəndəsi Əmir Səid İrəvani deyib.
“Bu dəhşətli cinayətdə İsrailin strateji müttəfiqi və rejimin regionda əsas dəstəkçisi kimi ABŞ-ın məsuliyyəti göz ardı edilə bilməz. Bu hərəkət Vaşinqtonun icazəsi və ABŞ kəşfiyyatının dəstəyi olmadan həyata keçirilə bilməzdi.” – deyə diplomat çıxışı zamanı deyib.
O, həmçinin bildirib ki, Rusiya, BMT Təhlükəsizlik Şurasına Tehrandakı qətlin pisləndiyi bəyanat yaymağı təklif edib. Lakin sənədin qəbuluna Böyük Britaniya, ABŞ və Fransa mane olub.
